ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

លោក ហ៊ុន ម៉ាណែត ថាបើកម្ពុជាលម្អៀងទៅរកចិននោះប្រហែលមិនស្វាគមន៍ការវិនិយោគពីប្រទេសដទៃទេ

  • ចុះផ្សាយថ្ងៃទី១១ ខែសីហា ឆ្នាំ២០២២ ម៉ោង ០៨:៤៤ នាទី ដោយ Hun Sirivadh
  • 2181
  Aa |   aA

ភ្នំពេញ៖ អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត បានបញ្ជាក់ចំពោះមុខស្ថានទូតអាមេរិកប្រចាំកម្ពុជាថា កម្ពុជាទទួលស្វាគមន៍រាល់ការធ្វើវិនិយោគនិងជំនួយពីប្រទេសបណ្ដាប្រទេសនានានៅក្នុងពិភពលោក។ លោកបានឆ្លើយតបទៅនឹងការចោប្រកាន់ថាកម្ពុជាលំអៀងទៅរកចិនថា មិនមែនជាការពិត និងថាបើកម្ពុជាលម្អៀងទៅប្រទេសចិនមែននោះ ប្រហែលជាមិនអាចឃើញការវិនិយោគរបស់ប្រទេសផ្សេងនៅក្នុងទឹកដីកម្ពុជានោះទេ។

លោកថ្លែងបែបនេះនៅក្នុងពិធីសម្ពោធជាផ្លូវការរោងចក្រផលិតរថយន្ត Ford របស់អាមេរិក នៅខេត្តពោធិ៍សាត់ កាលពីថ្ងៃទី១៦ ខែមិថុនា ឆ្នាំ២០២២ កន្លងទៅ។ លោក ហ៊ុន ម៉ាណែត បានបញ្ជាក់ថាមានការវិនិយោគច្រើនក្រៅពីប្រទេសចិនដែលយើងអាចឃើញដូចជា ប្រទេសកូរ៉េ ប្រទេសជប៉ុន ហើយថ្មីៗនេះគឺការវិនិយោគរបស់ក្រុមហ៊ុនហ្វតសហរដ្ឋអាមេរិកថែមទៀត។

លោកថា៖ «យើងចង់បានការវិនិយោគរបស់សហរដ្ឋអាមេរិកក្រុមហ៊ុនហ្វតមួយដែលជាក្រុមហ៊ុនយក្សរបស់សហរដ្ឋអាមេរិកនៅទីនេះមិនត្រឹមតែជួយដល់កំណើនសេដ្ឋកិច្ចប៉ុន្តែវាជួយដោយប្រយោលការយល់ឃើញនៅទំនាក់ទំនងរវាងកម្ពុជា-អាមេរិក។ ទៅដល់ការស្វាគមន៍របស់កម្ពុជាទៅលើគ្រប់ប្រទេសទាំងអស់មិនថាប្រទេសចិនឬប្រទេសណាមួយនោះទេ។ យើងមិនអាចបដិសេធការវិនិយោគឬកិច្ចសហប្រតិបត្តិការលើវិស័យណាមួយពីប្រទេសណាមួយនោះទេគឺយើងស្វាគមន៍ទាំងអស់»។

លោកជឿថា ការសម្រេចបាននូវការសម្ភោធក្រុមហ៊ុនហ្វតរបស់អាមេរិកនៅកម្ពុជានេះ នឹងអាចធ្វើឲ្យមនុស្សមួយចំនួនដែលតែងតែចាទប្រកាន់ថាកម្ពុជាមិនត្រូវជាមួយនឹងអាមេរិកនឹងអន់ចិត្ត។ តែលោកថាមិនគួរអន់ចិត្តនោះទេព្រោះនេះជាប្រយោជន៍របស់ប្រជាជាតិទាំងពីរ។

ក្រុមហ៊ុន RMA Cambodia បានប្រារព្ធពិធីបើកសម្ពោធជាផ្លូវការនៃ រោងចក្រដំឡើងរថយន្ត FORD ដំបូងគេបង្អស់នៅព្រះរាជាណាចក្រកម្ពុជា ដែលស្ថិតនៅក្នុងខេត្តពោធិ៍សាត់ជាច្រករបៀងសេដ្ឋកិច្ចរបស់ប្រទេសកម្ពុជាកាលពីថ្ងៃទី១៦ ខែមិថុនា កន្លងទៅដែលមានតម្លៃប្រមាណ ២១លានដុល្លាអាមេរិក។

គិតចាប់តាំងពីពាក់កណ្តាលឆ្នាំ១៩៩៤ រហូតដល់ឆ្នាំ២០២១ លំហូរវិនិយោគផ្ទាល់ពីបរទេស (FDI) នៅកម្ពុជា មានតម្លៃប្រមាណ ៤១ពាន់លានដុល្លារ ដែលទំហំវិនិយោគពីចិនមានប្រមាណ ១៨ពាន់លានដុល្លា កូរ៉េខាងត្បូងមានតម្លៃជិត ៥ពាន់លានដុល្លារ វៀតណាមមជាង ២,៥ពាន់លានដុល្លារ សិង្ហបុរីជាង ២,៧ពាន់លានដុល្លារជប៉ុនជាង ២,៤ពាន់លានដុល្លារ និងម៉ាឡេស៊ី ជាង ១,៩ពាន់លានដុល្លារ៕

ព័ត៌មានជាច្រើនទៀតសម្រាប់អ្នក